Plarent Ndreca është emëruar Sekretar i Përgjithshëm i Ministrisë së Brendshme më datë 18 Korrik 2019.

Më herët ka mbajtur detyrën e Sekretarit të Përgjithshëm në Ministrinë e Arsimit dhe Sportit, si dhe Sekretarit të Përgjithshëm në Ministrinë e Turizmit dhe Mjedisit.

Ai ka drejtuar gjithashtu Inspektoratin Shtetëror të Mjedisit, Pyjeve dhe Ujit, në Ministrinë e Turizmit dhe Mjedisit.

Ka qenë Anëtar i Këshillit Drejtues të Shkollës Shqiptare të Administratës Publike. Gjithashtu, është Anëtar i Këshillit Kombëtar për të Drejtën e Autorit si dhe Anëtar i Këshillit Mbikëqyrës, Rezidenca Studentore Universitare Nr. 1, Bashkia Tiranë.

Pas diplomimit si Jurist në vitin 2000, në Fakultetin e Drejtësisë në Universitetin e Tiranës, ka punuar si Asistent Avokat.

Në vitin 2007, bëhet Anëtar i Dhomës së Avokatisë, Tiranë dhe ka themeluar e drejtuar studion ligjore “T&N”. Është njohës i së drejtës publike e penale.

Ndreca është lektor në Departamentin e Administrimit Publik, Fakulteti i Shkencave Politike-Juridike, Universiteti “Aleksandër Moisiu”, Durrës.

Ka përfunduar Master Ekzekutiv në të “Drejtë Publike”’, pranë UET, Tiranë.

Ka marrë pjesë në trajnime të ndryshme të ndryshme në fushën e Avokatisë pranë institucionesh të ndryshme ndërkombëtare.

Njeh shumë mirë gjuhët e huaja anglisht dhe italisht.

Plarent Ndreca ka lindur në datë 27 maj 1977, është i martuar dhe ka një djalë.

Konkakt:  Plarent.Ndreca@mb.gov.al